Mu ntara ya Kagera, mu majyaruguru y’uburengerazuba bwa Tanzaniya, habonetse umuntu wa mbere wanduye indwara ya Marburg ku ya 20 Mutarama 2025.
Ibi byemejwe na Perezida wa Tanzaniya, ariwe Samia Suluhu Hassan, nyuma y’uko isuzuma ry’ibizamini byakorewe mu karere ka Biharamulo ryemeje ko hari umuntu wanduye iyo ndwara. Icyo gihe, ibindi bizamini 25 byari byarafashwe byagaragaye ko ari negative.
Indwara ya Marburg ni indwara ikomeye iterwa na virusi ifitanye isano ya bugufi na Ebola. Yandura binyuze mu guhura n’amaraso cyangwa andi matembabuzi y’umubiri w’umuntu wanduye, ndetse no ku bikoresho byanduye. Ibimenyetso byayo birimo umuriro mwinshi, kuribwa imitsi, isesemi, kuruka, no kuva amaraso imbere mu mubiri no hanze. Nta rukingo cyangwa umuti wemewe uyivura kugeza ubu.
Ubu ni ubwa kabiri Marburg yari igaragaye muri Tanzaniya, nyuma y’ubwandu bwa mbere bwabaye mu 2023 nabwo muri Kagera.
Nyuma y’iyi ndwara, Leta ya Tanzaniya yafashe ingamba zihuse zo gukumira ikwirakwira ryayo, harimo gukurikirana abahuye n’uwanduye, gupima abantu benshi no gushyiraho uburyo bwo kwirinda. Ku ya 13 Werurwe 2025, hashize iminsi 42 nta muntu mushya wanduye ugaragaye, bityo Leta itangaza ko icyorezo kirangiye.
Nubwo icyorezo cyarangiye, inzego z’ubuzima zikomeje gusaba abaturage gukomeza kwitwararika, cyane cyane mu bice byegereye imipaka, kubera ko virusi ya Marburg ikomoka ku mbeba z’urusobe (fruit bats) zishobora gutera ubwandu bushya.
About The Author
English