Diogo José Teixeira da Silva, uzwi ku izina rya Diogo Jota, yari umwe mu bakinnyi b’abahanga ba Liverpool FC n’Ikipe y’Igihugu ya Portugal, none yitabye Imana.
Mu ijoro ryo ku wa 3 Nyakanga 2025, Diogo Jota, umukinnyi w’icyamamare wa Liverpool FC na Portugal, yitabye Imana ari ku myaka 28, mu mpanuka y’imodoka yabereye mu gace ka Zamora, mu majyaruguru y’Uburengerazuba bwa Espagne . Murumuna we, André Filipe da Silva, w’imyaka 25 ukinira FC Penafiel, na we yapfuye.
Yitabye Imana mu buryo butunguranye ku wa 3 Nyakanga 2025, azize impanuka ikomeye y’imodoka yabereye muri Espagne, hafi y’umuhanda wa A-52 mu gace ka Zamora. Impanuka yabaye nyuma y’iminsi mike amaze gukora ubukwe n’umukunzi we Rute Cardoso.
Nk’uko bigaragara mu iperereza ry’ibanze, imodoka yabo yo mu bwoko bwa Lamborghini yagonze indi bari barimo gusiganwa bareba ifite umuvuduko wo hejuru, ndetse byavuzwe ko pneu yaturitse, imodoka ikarenga umuhanda. Jota yapfanye na murumuna we André Silva, na we wari umukinnyi w’umupira mu kiciro cya kabiri muri Portugal.
Amateka ye
Diogo Jota yavutse ku wa 4 Ukuboza 1996, avukira i Massarelos, mu mujyi wa Porto muri Portugal. Yatangiye gukina umupira akiri muto, aza kwamamara mu ikipe ya Paços de Ferreira, mbere yo kwerekeza muri Atlético Madrid mu 2016. Nubwo atigeze abona amahirwe menshi yo gukina muri Espagne, yagaragaye cyane ubwo yari mu ikipe ya Wolverhampton Wanderers (Wolves).
Mu 2020, yerekeje muri Liverpool FC, agaragaza ubuhanga bukomeye mu buryo yatsindaga ibitego no kwitanga ku kibuga. Mu myaka ine yahabaye, yafashije Liverpool kwegukana ibikombe binyuranye birimo:
- Premier League (2024/25)
- FA Cup (2022)
- Carabao Cup (2022 na 2024)
Mu Ikipe y’Igihugu ya Portugal, Jota yakiniye igihugu cye inshuro 49, atsinda ibitego 15, ndetse agira uruhare mu kwegukana UEFA Nations League inshuro ebyiri (2019 na 2025).
Urukundo n’umuryango
Diogo Jota yari asanzwe azwi nk’umugabo ukunda umuryango we. Yari afite abana batatu n’umugore we Rute Cardoso. Ubukwe bwabo bwabereye muri Portugal mu mpera za Kamena 2025, ari na bwo bwarangiye bafashe urugendo barimo ubwo impanuka yabaga.
Itangazo rya Liverpool FC ryagize riti:
“Twabuze umuntu utari umukinnyi gusa, twabuze umutima n’umutuzo byari intangarugero. Diogo yari igice cy’umuryango wacu, tuzamuha icyubahiro kimukwiriye.”
Ikipe y’Igihugu ya Portugal n’andi makipe yo ku isi yose yohereje ubutumwa bw’akababaro, barimo Manchester City, Wolves, Arsenal, ndetse na UEFA. Abakinnyi nka Cristiano Ronaldo, Mohamed Salah, na Virgil Van Dijk bose bavuze amagambo yo guhumuriza umuryango wa Jota.
Diogo Jota apfuye ari umugabo ukiri muto, ufite intego, icyerekezo n’inyota yo gukora ibirenze ibyo yari amaze kugeraho. Ariko nk’uko benshi babivuze nyuma y’urupfu rwe: “Umubiri wapfuye, ariko ishusho ye izakomeza kuba mu mutima wa buri mufana.”
Imana imuhe iruhuko ridashira.
About The Author
English
Your blog is a testament to your expertise and dedication to your craft. I’m constantly impressed by the depth of your knowledge and the clarity of your explanations. Keep up the amazing work!