Umuforomokazi wo muri Ecosse yarekuwe nyuma yo kwirukanwa ku kazi azira gutanga ikirego ku by’umutekano w’abagore mu cyumba bahinduriramo imyenda
Sandie Peggie, umuforomokazi wo mu bitaro bya NHS Fife muri Ecosse, yari yarirukanwe ku kazi mu 2022 nyuma yo kugaragaza impungenge ubwo yasangaga umugabo wiyita umugore (wiyise Dr. Beth Upton) ari mu cyumba cy’abagore bahinduriramo imyenda. Ibyo byabaye ubwo Peggie yari agize ikibazo cy’ihindagurika ry’imihango mu kazi, agasanga uwo muganga ari mu cyumba atambaye.
Nyuma y’amezi 18 y’ubushakashatsi bw’imbere mu bitaro, Peggie yararekuwe nta cyaha kimuhamye, ndetse urwego rw’ubugenzuzi ruvuga ko nta bimenyetso bihagije byerekana ko yakoze amakosa. Ibi byaje nyuma y’uko Dr. Upton amushinje kumutoteza no kumwita amazina atamukwiriye.
Icyakora, tribunal y’umurimo iracyakomeza, aho Peggie arega ibitaro n’uwo muganga ku ivangura rishingiye ku myemerere, ihohoterwa rishingiye ku gitsina, no kumuharabika. Ubutabera bwo mu Bwongereza bwemeje ko “umugore” mu mategeko asobanurwa nk’umugore kavukire, kabone n’iyo umuntu yaba afite icyemezo cyemeza ko yahinduye igitsina.
Peggie yavuze ko yishimiye kuvanwaho ibirego by’imbere mu kazi, ariko ntaragaruka mu nshingano ze z’ubuvuzi. Ikirego cye kiracyakurikiranwa mu rukiko.
About The Author
English