Inteko Ishinga Amategeko ya Kazakhstan, yatoye itegeko ribuza icengezamatwara ry’imyemerere y’abaryamana bahuje ibitsina, rikorwa hifashishijwe itangazamakuru na internet, hagamijwe kurinda abana amakuru abangiza.
Iryo tegeko ryemejwe ku wa Gatatu tariki 12 Ugushyingo 2025, rigamije kubahiriza amategeko ajyanye n’uburenganzira bw’abana, itangazamakuru, kwamamaza, umuco n’uburezi.
Inteko Ishinga Amategeko yavuze ko iryo tegeko rigamije kurinda abana amakuru abangiriza ubuzima n’iterambere binyuze mu kugabanya ikwirakwizwa ry’amakuru ashyigikira icengezamatwara ry’abaryamana bahuje ibitsina.
Umudepite Elnur Beisenbayev, yavuze ko “Ingimbi n’abangavu buri munsi bahura n’amakuru ashobora kubangiriza imyumvire ku muryango, indangagaciro n’ejo hazaza.”
Beisenbayev yongeyeho ko kurinda abana ibibera kuri internet bitemewe, ari ukubarindira umutekano n’ubuzima bwo mu mutwe.
Mu 2024, muri Kazakhstan abarenga ibihumbi 50 bari batanze ubusabe bugamije kubuza kwamamaza ibikorwa by’abaryamana bahuje ibitsina.
Iri tegeko rishya ryatowe rizabanza kwemezwa na Sena mbere y’uko risinywa na Perezida Kassym-Jomart Tokayev.
About The Author
English